Hluê si klei bi mklă, Thượng tướng Trần Quốc Tỏ, Khua hlăm Anôk bruă Đảng gưl dlông, K’iăng khua bruă Đảng Anôk bruă kahan ksiêm gưl dlông, K’iăng khua phŭn bruă kahan ksiêm kriê dlăng hdră mă bruă mơ̆ng Phŭn bruă truh kơ hbĭl mâo klei bi mklă pô srăng păn ngă Khua phŭn bruă kahan ksiêm hluê si klei bi kčah hlăm Hdră mtrŭn dưi ba yua mơ̆ng hruê bi mklă (22/5/2024). Trần Quốc Tỏ kkiêng hruê 28/1/1962, ƀuôn sang ti să Quang Thiện, kdriêk Kim Sơn, čar Ninh Bình. Hnơ̆ng hriăm K’iăng nai prŏng, Nai prĭn ksiêm hriăm kơ Hdră bhiăn, ksiêm hriăm kơ phung ngă soh, Ksiêm dlăng phung ngă soh, Cao cấp lý luận chính trị. Trần Quốc Tỏ jing Khua hlăm Anôk bruă Đảng gưl dlông tal XII, XIII; Pô bi ala Anôk bruă kƀĭn ala gưl XIV, XV.

Mơ̆ng mlan 3/2014, Trần Quốc Tỏ jing Khua bruă Đảng čar Thái Nguyên. Truh kơ mlan 10/2015, ñu păn ngă Khua hlăm Anôk kriê dlăng bruă Đảng gưl dlông tal XII; Khua bruă Đảng čar Thái Nguyên wưng thŭn 2015 - 2020; Khua Êpul bi ala mơ̆ng Anôk bruă kƀĭn ala čar Thái Nguyên; Khua hlăm Dhar bruă răng mgang klei êđăp ênang mơ̆ng Anôk bruă kƀĭn ala gưl XIV. Mlan 5/2020, Trần Quốc Tỏ jing K’iăng khua Phŭn bruă Kahan ksiêm truh kơ ară anei./.