Đại tướng Tô Lâm, Khua phŭn bruă Phŭn bruă kahan ksiêm gĭt gai klei bi kƀĭn leh anăn blŭ hrăm tŭ yap, bi mni kơ klei tŭ dưn mơ̆ng êpul kahan ksiêm yang ƀuôn mâo leh hlăm wưng êgao. Kơ bruă klam hlăm mlan 5 leh anăn hlăm wưng kơ anăp, Khua phŭn bruă Tô Lâm mtă kơ kahan ksiêm dŭm anôk bruă, alŭ wăl kƀĭn pŏk ngă hdră msir rơ̆ng klei êđăp ênang dŭm bruă bi hdơr 49 thŭn Hruê mtlaih êngiê kwar Dhŭng, hluh lor lăn čar 30-4, Hruê mnuih mă bruă 1/5 leh anăn dŭm bruă ngă bi hdơr 70 thŭn mblah dưi  Điện Biên Phủ (07/5).

Dŭm êpul bruă ngă bruă klam rơ̆ng êđăp ênang, nao hlăm klei ep ruĕ kahan hlăm Knăm bi hdơr 70 thŭn mblah dưi Điện Biên Phủ mđĭ ai tiê đua klam, msir mgaih klei dleh dlan, amâo brei mâo klei soh wăt tơdah điêt dưn./.