Blŭ hrăm ti anôk bi kƀĭn, Đại tướng Phan Văn Giang Khua phŭn bruă lĭng kahan lač, 3 thŭn êgao, knuă druh, lĭng kahan mâo klei thâo săng klă mngač, hŏng ai tiê dua klam, čŏng pô tui hriăm hlue ngă knhuah mngač mơ̆ng Awa hlăm djăp mta bruă.

Bi êdah ai tiê “Mă bruă kyua lăn čar, kyua kơ mnuih ƀuôn sang” mghaih msir djă mta klei dleh dlan, bi leh jăk bruă kčah jao, săn asei mlei răng mgang Đảng, Knŭk kna, lăn čar lehanăn mnuih ƀuôn sang, lŏ dơ̆ng ktur kjăp hĭn knhuah gru kut kat bi blah tơl dưi, lehanăn bi êdah nanao knhuah mngač jăk siam mơ̆ng lĭng kahan Awa Hô ênuk mnrâo mrang. Wưng tinăp, Đại tướng Phan Văn Giang mtă kơ dŭm gưl bruă Đảng, dŭm gưl hyuă bi kjăp bruă klam lehanăn čŏng pô mâo nanao klei thâo bi hmô jăk mơ̆ng sa čô knuă duh lehanăn đảng viên.