Thŭn 2025, Dak Lak dưi jao êbeh 3.030 čô kahan, hlăm anăn mâo 2.550 čô nao kahan leh anăn 480 čô nao ngă bruă klam hgŭm hlăm kahan ksiêm yang ƀuôn. Hlăm gưl iêo mthưr hlăk ai nao kahan thŭn 2025 anei, Y - Ra Ni Ƀuôn Yă (mnuih djuê ana Êđê) kkiêng thŭn 2005, ti ƀuôn Cư̆ Phiăng, să Hoà Phong, kdriêk Krông Bông, čar Dak Lak čŏng pô čih hră akâo nao kahan. Leh dŭm hruê tết hơ̆k mơak, ñu mprăp leh ai tiê čiăng nao kahan.

 “Kâo hơ̆k mơak êdi kyua mâo bruă sang čư̆ êa mkŏ mjing klei găl čiăng kơ kâo dưi djŏ kahan. Kâo srăng gĭr mprăp jăk čiăng mkŏ mjing klei găl nao ngă kahanj leh anăn ngă bruă klăm jăk êdi, hluê ngă jăk dŭm bruă klam gưl dlông jao. Leh ngă bruă klam, kâo srăng wĭt đru kơ gŏ sang leh anăn kơ êpul êya, ƀuôn sang.”

Hluê si hdră kčah, knăm ba jao kahan thŭn 2025 mkŏ mjing hlăm hruê 13/02 thŭn 2025 ( jing hruê 16/1 thŭn Ất tỵ). Hŏng lu phung mda asei, ngă bruă mkă dlăng, nao kahan amâo djŏ knŏng jing bruă klam, ƀiădah lŏ jing klei ktưn hưn, hing ang.

 “Mlan 3 knông lăn” jing hdră grăp thŭn dŭm êpul êpul êra hlăm čar Gia Lai kñăm bi klă hdră bruă “Kâo khăp kơ čar kwar kâo”. Mlan 3/2024, Bruă êdam êrra kdriêk Đức Cơ bi hgŭm leh hŏng hdră “mlan tlâo knông lăn”, mđup brei sang klei khăp, pui êran hŏng pil yang hruê leh anăn hnư prăk hriăm kơ phung êdam êra, hđeh điêt ti alŭ wăl, mbĭt anăn ksiêm mkă klei ruă leh anăn mbha êa drao amâo mă prăk kơ mnuih ƀuôn sang. Leh anăn mâo hdră “Phung mda asei Gia Lai kyua knông lăn čar kwar” ti să Ia Pnôn, kdriêk Đức Cơ kñăm mđĭ  klei thâo săng kơ Hdră bhiăn knông lăn ala čar leh anăn bi hrŏ klei bi dôk ung mô̆ mơ̆ng mda hlăm êpul êdam êra. Êpul lŏ gĭr hgŭm hlăm bruă ngă, kih mdoh jar sang roong, sang hră.

  Siu H’Thang lač, bruă ngă anei bi mklă bruă klam ba anăp mơ̆ng Êpul êdam êra đru bi lar ai tiê bi hgŭm, đua klam hlăm êpul êya.

 “Kâo jing mnuih Jrai mâo klei suaih pral, asei mlei kjăp bo să jing să knông lăn anăn kâo pô gĭr duh myơr kơ ala ƀuôn, duh kơ să pô čiăng mâo boh tŭ jăk siam hŏng lu klei mơak. Knuă druh gưl dlông mđing kơ drei leh anăn mđup brei mnơ̆ng mơak yan mnga kơ mnuih ƀuôn sang, kriê dlăng klei suaih pral kơ mnuih ƀuôn sang leh anăn mbha êa drao amâo mă prăk, hlei pô mâo klei ruă snăn hlŏng mdrao. Ară anei Tết truh leh, diñu mđing kah mbha hŏng să knông lăn anei hŏng mnơ̆ng mđup myuôm bhăn čiăng kah mbha hŏng klei dleh dlan drei tinei”