-Ơ Y Cing, Ih lông yăl dliê lăng hdră mă bruă mơ̆ng wăl krah Buôn Hồ wưng leh êgao ciăng kriê pioh mđĭ bi lar knhuah gru dhar kreh mơ̆ng dŭm djuê ana?

 Y-Cing: Hlăm dŭm thŭn êgao, wăl krah Buôn Hồ mâo nanao klei mđing kơ bruă kriê pioh knhuah gru dhar kreh djuê ana hlăm klei duh ƀơ̆ng, mđĭ kyar klei hdĭp mda, lehanăn dŭm klei bhiăn jăk siam mơ̆ng djuê ana. Wăl krah mâo hgŭm leh hŏng anôk bruă dhar kreh čar pŏk adŭ mjuăt bi hriăm klei tông čing, kdŏ čhuang. Lehanăn mrâo anei, tui si klei gĭt gai mơ̆ng gưl dlông, wăl krah ngă leh klei ksiêm duah, lŏ rŭ mjing dŭm knhuah gru mơ̆ng aê aduôn pô đưm, čiăng kơ mnuih ƀuôn sang djă pioh, đru kơ dŭm gưl mnuih ƀuôn sang, boh nik hŏng hđeh gưl mrâo thâo ƀuh lehanăn bi kriê pioh, tui ngă.

- Tui si ih, bruă ngă anei si klei tŭ dưn mâo ba wĭt hŏng alŭ wăl pô?

Y-Cing: Boh sĭt ară anei, hŏng klei hdĭp ênuk mrâo, lu mta klei tŭ dưn mơ̆ng knhuah bhiăn djuê ana pô dơ̆ng luič ram, adôk ƀiă snăk mnuih thâo djă pioh, lehanăn dôk hdơr kơ knhuah gru klei bhiăn đưm. Msĕ si čing čhar, kpiê čeh, klei kưt ei rei, klei yăl dliê đưm pătdah dơ̆ng luič leh hlăm knhuah klei hdĭp ară anei. Bi phung mduôn khua dơ̆ng đuĕ nao kơ mduôn awăt êmăn, lehanăn wĭt hŏng aê aduôn. Mơ̆ng klei anei, alŭ wăl mâo leh lu hdră hâo hưn čiăng kơ mnuih ƀuôn sang lŏ dơ̆ng bi kriê pioh, lehanăn mđĭ bi lar knhuah gru aê aduôn pô, lehanăn lăm lui hĕ ya mta jing klei bhiăn amâo mâo djŏ ôh, msĕ si knhuah bhiăn amâo mâo jăk amâo mâo djŏ hŏng ară anei. Bruă anei wăl krah dôk kriê pioh, ngă nanao.

- Snăn si ih ƀuh klei mnuih ƀuôn sang mđing, hŏng hdră êlan bi kriê pioh knhuah gru dhar kreh dôk ngă lehanăn hlăk dôk ngă ti wăl krah ară anei?

Ông Y Cing: Msĕ si ară anei, ti wăl krah ƀuôn Hô snăn hlăm thŭn mrâo, wưng tết hat dôk kriê pioh knhuah bhiăn ngă yang akŏ pin êa, nga yang asei, ngă yang hđeh đĭ prŏng… snăn ăt dôk lu hlăm ƀuôn sang, lehanăn ai êwa drông thŭn bhang mrâo.

-Anăn yơh jing dŭm klei bi knăl năng mơak djŏ mơ̆ ơ Y -Cing. Lač jăk kơ ih lu hrie hlăm klei bi blŭ hrăm anei. Hmêč hmưi kơ ih mbĭt hŏng mnuih ƀuôn sang anak Ê đê buôn drei drông thŭn mrâo mơak mñai, jăk jĭn.