Mâo mkŏ mjing ti sang dlăng hră čar Daklak mơ̆ng hrue anei truh jih hrue 2/2 tinăp, knămmơak hră klei mrâo yan mnga Ất Tỵ čar Daklak rang mdah truh 250 mta hră klei mrâo, hŏng êbeh 1.000 hdruôm lehanăn hră klei mrâo čih hlue mrô kơ yan mnga. Mbĭt hŏng klei rang mdah, jih jang hră klei mrâo mâo mkra wăt hŏng hdră êlan mrô jing găl ênưih kơ mnuih dlăng pŏk mơ̆ng kbưi. Lehanăn kơ anăn jih jang hră klei mrâo anei srăng dưi ba truh kơ krĭng taih kbưi mđup brei kơ dŭm boh sang kƀĭn ƀuôn hlăm dŭm boh ƀuôn hlăm čar.

Nguyễn Văn Phú, Khua êpul hgŭm phung ngă klei mrâo čar Daklak lač, jih jang hră klei mrâo yan mnga lač đa kơ kđi čar, kơ klei duh mkra ala ƀuôn, kơ ai êwa ai tiê anak mnuih Việt Nam, lač kơ boh tŭ dưn mă bruă knuă anăp truh kơ klei hdĭp mgi dih kruak knăl kơ sa gưl kpưn đĭ mơ̆ng djuê ana pô./.