Mđĭ lar klei găl lăn adiê jăk siam, ti krĭng pla sâm Ngọc Linh Kon Tum, mnuih ƀuôn sang ƀuôn Tu Thó mbĭt hŏng dŭm phung duh bi liê mkŏ mkra leh homestay, mkra lu đang mnga, ana bi msiam, mkŏ mjing êpul tông čing – kdŏ čhuang, êpul tŭk knă mnnơ̆g ƀơ̆ng huă mkăp kơ tue hiu čhưn ênguê. Thŭn êgao, ƀuôn Tu Thó drông leh 5 êbâo čô tuê hiu čhưn ênguê.

Ti knăm hưn mthâo Klei bi mklă mơ̆ng Anôk bruă sang čư̆ êa čar Kon Tum tŭ yap ƀuôn mkŏ anôk dôk mrâo Tu Thó, să Tê Xăng jing Ƀuôn hiu čhưn ênguê êpul êya, Anôk bruă sang čư̆ êa kdriêk Tu Mơ Rông mkŏ mjing leh knăm ba čhĭ 1kg sâm Ngọc Linh, đru kơ mnuih ƀuôn sang mdơ̆ng sang krum dlông drông phung tuê hiu čhưn ênguê. Ƀri gưl anei, Knơ̆ng bruă Dhar kreh, Mjuăt ktang asei mlei lehanăn hiu čhưn ênguê čar Kon Tum ăt mkŏ mjing knăm ba jao kơ mnuih ƀuôn sang Tu Thó rĭng čing yuôm. Bruă ƀuôn Tu Thó ti krĭng pla sâm Ngọc Linh Kon Tum dưi tŭ yap jing ƀuôn hiu čhưn ênguê êpul êya pŏk leh klei găl mđĭ kyar bruă hiu čhưn ênguê lehanăn kriê pioh knhuah dhar kreh jăk siam mơ̆ng mnuih Sedang./.