Daklak mbha čing čhar, kdrăp čŭt hơô djuê ana, lehanăn kdrăp pĕ tông djuê ana kơ dŭm êpul kdŏ mmuiñ mnuih djuê ƀiă hlăm čar
Thứ sáu, 06:37, 17/01/2025
Pô mblang: Y-Khem Niê/ VOV Tây Nguyên
Pô mblang: Y-Khem Niê/ VOV Tây Nguyên
VOV4.Êđê- Aguah mbrue (16/1), Knơ̆ng bruă dhar kreh mjuăt asei mlei, lehanăn hiu čhưn ênguê Daklak mkŏ mjing leh knăm ba jao čing čhar, kdrăp čŭt hơô, kdrăp pĕ tông kơ dŭm êpul kdŏ muiñ mnuih djuê ƀiă hlăm čar.
Hlăm hdră anei êpul mkŏ mjing, mâo jao leh 16 rĭng čing, 69 brô̆ tính lehanăn dŭm kdrăp pĕ tông, mbĭt hŏng dŭm hlao čŭt hơô djuê ana Ê Đê, Lào, Tày Nùng, Thái, Mường, Thanh Y… kơ 33 êpul hgŭm kdŏ muiñ ti dŭm boh ƀuôn mnuih djuê ƀiă hlăm čar. Bruă anei dưi ngă hlue hdră mơ̆ng thŭn 2024 hlăm čar, dôk hlăm hdră mtrŭn mrô 10 mơ̆ng Êpul gơ̆ng bruă ƀuôn sang čar Daklak kơ bruă kriê pioh mđĭ bi lar knhuah gru dhar kreh čing čhar hlăm čar wưng thŭn 2022-2025 lehanăn hdră ala čar kñăm mđĭ kyar bruă duh mkra ala ƀuôn krĭng mnuih djuê ƀiă čư̆ čhiăng kơ bruă kriê pioh, bi lar knhuah gru dhar kreh dŭm djuê ana, mguôp mbĭt hŏng bruă hiu čhưn ênguê./.
Viết bình luận