Dŭm mta bruă dhar kreh, kdŏ mmuñ, knăm mơak srăng mkŏ jing hlăm wưng tết ti lu alŭ wăl hlăm čar Dak Lak msĕ si: Hruê knăm dhar kreh dŭm djuê ana kdriêk Ea Kar leh anăn klei bi lông mran anak rai, mran Kayak ti kdriêk anei mơ̆ng hruê 4 -6 tết, Klei bi lông mran knhuah gru kdriêk Krông Ana ( hruê 7 tết), knăm mơak knhuah gru Bviệt bắc ti kdriêk Krông Hnang (mơ̆ng hruê 13 -15 mlan 1 hruê mlan blĕ).

Bi lông čăm knhuah gru kdriêk Krông Pač pŏk mlar leh anăn klei mmuñ quan họ (mơ̆ng hruê 15 – 17 mlan 1 hruê mlan blĕ). Boh nik ti wăl tač hruê 10/3, drông thŭn mrâo, ƀuôn prŏng Ƀuôn Ama Thuôt mkŏ mjing hdră kdŏ mmuñ “Mơak Đảng, mơak yan mnga Ất Tỵ thŭn 2025” leh anăn mnah phao briêng hnơ̆ng đŭt. Mbĭt anăn, ti dŭm kdriêk Ea H’Leo, Krông Ƀŭk, Krông Ana, Ea Kar ăt mkŏ mjing hdră kdŏ mmuñ leh anăn mnah phao briêng drông thŭn mrâo.