Khua gĭt gai Đảng Tô Lâm bi tuôm hŏng phung bi ala Bruă kƀĭn ala
Thứ năm, 07:00, 28/08/2025
VOV TAYNGUYEN
VOV TAYNGUYEN
VOV.Êđê- Aguah 27/8, ti Hà Nội, Khua gĭt gai Đảng Tô Lâm nao leh anăn gĭt gai klei bi tuôm hŏng dŭm gưl phung bi ala Bruă kƀĭn ala ƀri gưl bi hdơr 80 thŭn krŭ kdơ̆ng mlan 8, hruê mphŭn mkŏ mjing ala čar 2/9 leh anăn mđing truh bi hdơr 80 hruê ruah khua kluôm tal êlâo ruah Bruă kƀĭn ala Việt Nam.
Khua gĭt gai Đảng mpŭ mơĭt klei hdơr knga kơ phung khua gĭt gai krŭ kdơ̆ng, phung nao êlâo leh anăn phung bi ala Bruă kƀĭn ala mơ̆ng dŭm gưl ênuk.
Ñu bi mklă, 80 thŭn êgao, Bruă kƀĭn Việt Nam hrăm mbĭt hŏng djuê ana, jing anôk bi trông, bi mklă dŭm bruă yuôm bhăn, bi êdah klei mĭn, klei mnuih ƀuôn sang čang hmăng, Hưn mdah ti anăp êbêh 2.200 čô bi ala, Khua gĭt gai Đảng tă hdră mđĭ kyar hlăm ênuk mrâo, boh nik klei tŭ dưn Hdră mtrŭn Klei bi kƀĭn tal XIII leh anăn mprăp bi jăk kơ klei bi kƀĭn tal XIV mơ̆ng Đảng. Ñu mñă 3 hdră tă: rơ̆ng klei dưi, kluôm ênŭm lăn ala leh anăn hơĭt kjăp ala ƀuôn, mđĭ kyar pral, hơĭt kjăp; amâo mdei mđĭ kyar klei hdĭp mda, ai tiê mơ̆ng yang ƀuôn.
Viết bình luận