VOV4.Jarai - Tlam lơ 3/5, Anom bruă wai lăng jơlan glông brơi thâo, amăng 4 hrơi pơdơi lơ 30/4 hăng 1/5 đơ đam dêh čar ta hơmâo 111 wŏt pơjrŏm rơdêh, ngă djai 58 čô mơnuih, rơka 64 čô. Pơhmu hăng 4 hrơi pơdơi thun hlâo, thun anai hrŏ trun 3 wŏt tui hơnong pơkă kơ mrô rơdêh pơjrŏm hăng mrô mơnuih djai kah hăng rơka. Amăng 4 hrơi pơdơi, tơhan wai lăng jơlan glông đơ đam dêh čar hơmâo pel ĕp, ƀuh hăng pơsir tơlơi ngă soh giăm 33 rơbâo čô mơnuih; mă 207 boh ôtô, rơbêh 7 rơbâo môtô, rơdêh thut; mă pơkŏng 2 rơbâo 320 hră mơgăt rơdêh. Samơ̆, yua kơ mơnuih hăng rơdêh đuăi găn nao rai amăng jơlan lu đơi amăng hơdôm hrơi anai, biă mă ñu lĕ jơlan găn nao rai Hà Nội kah hăng Hồ Chí Minh, lơ̆m anun jơlan glông aka pơkra giong hăng aka ƀu pok prong yua anun tơnap biă mă amăng bruă phư brơi rơdêh đuăi nao rai.

Siu Đoan: Pơblang