VOV4.Jarai - Klin Covid-19 ƀơi lu dêh čar amăng rŏng lŏn tơnah, biă ñu lĕ hơdôm boh dêh čar kah hăng India, Thái Lan, Lao, Kur glăk ngă bơngơ̆t kơtang biă, mrô mơnuih phrâo ƀă klin, mrô mơnuih djai amăng ha hrơi jai hrơi lu tui, Khua dêh čar ta phrâo kĭ hră Kông điên kơ bruă pơgang klin Covid-19 mơ-it kơ hơdôm ding jum, anom bruă Gơnong dlông; Jơnum min mơnuih ƀon sang hơdôm tơring čar, ƀon prong. Mông anai khŏm kiăng djŏp ding jum, anom bruă bơdjơ̆ nao hăng gong gai khŏm hơmâo hơdră pơgang lăp djơ̆, pơgăn klin mut nao hăng ƀă hyu. Hơdôm ding jum, anom bruă, tơring čar lăi pơthâo hlao mơtăm hră mơ-it mơng Khua dêh čar, kơđiăng hloh tơlơi hŭi rơhyưt hơmâo klin kheng; pô ngă khua khŏm gơgrong bruă hloh, pok pơhai ngă dưm kơnar hơdră pơgang klin, hăng hơdră ngă bruă “pơgang klă, tañ ƀuh, ba dŏ pơčlah tañ, pơjrao tŭ yua, pơgang klin đut tơhnal hlao, tañ ngă hơđong glăi tơlơi hơdip”.

Siu H’Mai: Pơblang