VOV4.Jarai - Lơ 12/4, ƀơi amăng jang jar kmar Xa Mát, tơring čar Tây Ninh, grup hyu mă bruă mơng Anom  bruă git gai Ling tơhan tơring čar Lâm Đồng yua Đại tá Nguyễn Bình Sơn - Khua anom bruă git gai ling tơhan tơring čar ba jơlan hlâo nao čuă jơmư, ƀơk gơnam pơpŭ hrơi ƀong Tết ƀơi puih tơhan tơring čar SiemReap, Quân khu 4, Ling tơhan dêh čar Kur ƀrô hrơi ngui ƀong Tết tui gru grua Chol Chnam Thmay.

Amăng brơi blan klin Covid-19 glăk ngă tơnap tap, bruă jao, tŭ mă gơnam mơng dua bơnah hơmâo pơphun djơ̆ tơlơi pơkă, pơhlôm bruă pơgang klin ƀơi kual giăm guai dua bơnah. Đại tá Nguyễn Bình Sơn hơmâo jao hră pơ-ar pơpŭ hrơi ngui ƀong Tết hrŏm hăng ƀơk gơnam laih dong hơdôm tơlơi pơpŭ hiam klă hloh kơ ƀing apăn bruă, ling tơhan ƀơi puih tơhan tơring čar SiemReap, Quân khu 4, ling tơhan dêh čar Kur cơkă hrơi ƀong Tết dik dak, yâo mơ-ak.

Siu Đoan: Pơblang