VOV4.Jarai - Tom brơi (16/4), ƀơi plơi prong Buôn Ma Thuột, tơring čar Daklak, Anom wai lăng bruă bơwih ƀong gum hrom hăng pơđĭ kyar plơi pla gah Ding jum đang hmua hăng pơđĭ kyar ƀôn lan dêh čar pơphun Jơnum pok pơhai bruă mă amăng thun 2021 gơnong bruă bơwih ƀong gum hrom hăng pơđĭ kyar ƀôn lan hăng lu jơlan gah ba tơbiă amăng tơlơi klin Covid-19 ngă akă hơđong hăng hơdôm tơlơi pơkôl sĭ mơdrô mơ-ak klă pơphun tŭ yua.

Tơlơi lăi pơthâo glăi amăng mông jơnum, yap truh abih blan 3/2021, đơ đam dêh čar ta hmâo giăm truh 17.600 bôh anom mă bruă hrom hăng 68 khul pơlir hơbit anom mă bruă hrom gah bruă đang hmua. 83% mrô anom mă bruă hrom ba glăi bôh tơhnal, đĭ 50% bơhmu hăng thun 2015. Pơhrui glăi hơnong ñu mơng anom mă bruă hrom gah đang hmua hmâo rơbêh kơ 380 klăk prăk sa thun. Ơi Trần Thanh Nam, Kơ-iăng Khua Ding jum đang hmua hăng pơđĭ kyar ƀôn lan dêh čar rơkâo tơring čar pơđĭ kyar dong bruă bơwih ƀong gum hrom, pơđĭ kyar gơnam mă mơng đang hmua tui lu gơnong bruă, lu mơta bruă djơ̆ hăng bruă bơwih ƀong sĭ mơdrô, pơplih phrâo jơlan gah ngă đang hmua, sĭ mơdrô, kiăng amăng ƀrư̆ pơđĭ tui pran kơtưn đĭ kơ gơnam tam sĭ mơdrô./.

Siu H’ Prăk: Pô pơblang