VOV4.Jarai-Tlam lơ 15/10, ơi Nguyễn Phước Lộc-Kơ-iăng Khua anom pơtô mơnuih ƀôn sang ping gah dêh čar hơmâo mă bruă hăng khua mua tơring čar Bạc Liêu kơ bruă pơhlôm, pơgang klin Covid 19. Tui hăng tơlơi lăi pơthâo, klin hơđuh tal 4 ƀơi Bạc Liêu hơmâo čih pioh 823 čô mơnuih ƀă kman sars-cov-2, 5 čô mơnuih djai.

Ơi Nguyễn Phước Lộc-Kơ-iăng Khua anom pơtô mơnuih ƀôn sang ping gah dêh čar đĭ pơhiăp ƀơi mông mă bruă

Ƀơi mông mă bruă, ơi Nguyễn Phước Lộc brơi thâo, Anom bruă pơtô mơnuih ƀôn sang ping gah dêh čar hơmâo ĕp djru 4000 liêu vaccine hăng djru pran jua ƀing ơi ia jrao kơ Bạc Liêu, brơi tlâ̆o ia jrao kơ mơnuih ƀôn sang amăng 2 hrơi, pơ anăp anai ăt amra djru dơ̆ng Bạc Liêu ngă giong bruă tlâ̆o pơgang kơ mơnuih ƀôn sang. Hrom hăng anun, grup ăt jak iâu hơdôm sang bruă sĭ mơdrô ƀơi ƀôn prong Hồ Chí Minh djru kơ Bạc Liêu 3.200 kơdŭng ia jrao pơjrao ƀing F0 ƀơi sang anŏ hăng rơnoh prăk 32 klai, ƀơk 100 boh gêt oxy suă jua djuai 4 lit sa boh.

Nay Jek: Pơblang