VOV4.Jarai - Tui hăng Jơnum min ruah khua plơi prong Bảo Lộc, tơring čar Lâm Đồng, đơ đam plơi prong hmâo giăm truh 116.000 čô mơnuih ruah khua gum hrom ruah khua pơ ala mơnuih ƀôn sang dêh čar ta tal 15 hăng Khul pơ ala mơnuih ƀôn sang hơdôm bôh phường, să, grŭp mơnuih ƀôn sang ƀudah plơi pla mơnuih ƀôn sang dô̆ hăng hơdôm anih anom plĕ hră ruah khua, hră čih anăn mơnuih ruah khua hăng khua pơ ala tơbiă anăn dưi phuă pơdah rơđah; pơ ala kơ hơdôm grŭp ruah khua ƀơi hơdôm bôh phường, să ăt hmâo gơgrong hlâo lăng tui mơn; lăi pơhing pơhrua nao hră čih anăn mơnuih ruah khua tui djơ̆ tơlơi pơkă mơng Tơlơi phiăn ruah khua; pok pơhai ha amăng plĕ hơdôm jơlan gah pơhlôm rơnuk rơnua, bruă ia jrao, bruă pơgang pơgăn klin Covid-19 pioh kơ bruă ruah khua.

Bruă prăp lui ruah khua kơ lơ 23/5 pơ̆ anăp dưi prăp lui abih bang, pơphun tui djơ̆ kơčăo bruă kiăng mơnuih ruah khua hmâo tal ruah khua klă, pơkrem, pơhlôm hăng djơ̆ tơlơi pơkă amăng tơlơi Phiăn ruah khua hăng sit nik jing hrơi jơnum mơng abih bang mơnuih ƀôn sang./.

Siu H’ Prăk: Pô pơblang