VOV4.Jarai - Khul pơlir hơbit mơnuih mă bruă Việt Nam ăt phrâo pơphun jơnum bơkơtuai lăng nao rai amăng tivi pơphun ngă Blan kông ñơn thun 2021 hăng akŏ bruă “Gum pơgôp, pơčeh phrâo, găn rơgao tơlơi tơnap, pơđĭ kyar”. Yua bơbeč mơng klin Covid-19 yua hnun lu anom bơwih ƀong, anom bruă hăng ƀing hlăk ai, mơnuih mă bruă bơbeč yua kơtang biă. Hloh kơ hrơi mông pơkŏn, hơdôm klăk čô kông ñơn ƀơi dêh čar ta kiăng gum hrŏm, pơčeh phrâo đah mơng dưi găn rơgao tơlơi tơnap tap ƀơi anăp amăng lŏn ia ta laih anun hơmâo pran gir hrưn đĭ, pơđĭ kyar yua tơlơi yâo mơ-ak mơng sit pô ta, sang anŏ, tơlơi pơđĭ kyar mơng anom bơwih ƀong hăng pơdrong asah mơng lŏn ia. Yua hnun mơn Blan kông ñơn thun anai hơmâo anăn “Gum pơgôp, pơčeh phrâo, găn rơgao tơnap tap, pơđĭ kyar”.

Jơnum lăng nao rai amăng tivi Blan kông ñơn thun 2021.

Sa amăng hơdôm tơlơi yôm phun mơng blan kông ñơn thun anai lĕ Jơlan hơdră “75 rơbâo tơlơi pơčeh phrâo, găn rơgao tơlơi tơnap, pơđĭ kyar”. Mrô 75 rơbâo tơlơi pơčeh phrâo hăng čang rơmang kiăng kông ñơn Việt Nam hơdor lui, thâo pơpŭ, ngă dlăm hloh hrơi Jar kmar pioh kơ mơnuih mă bruă ƀơi Việt Nam sui mơng anai 75 thun hơmâo pơphun jơnum prong ƀơi Hà Nội. laih dong čơkă 75 thun Hrơi abih bang nao plĕ hră ruah khua pơ ala mơnuih ƀon sang dêh čar Cộng hoà xã hội chủ nghĩa Việt Nam.

Siu H’Mai: Pơblang