VOV4.Jarai - Cơtlăm lơ 29/3, ƀơi Ƀirô mă bruă Khua pơ ala mơnuih ƀôn sang dêh čar ta, Jơnum min apăn bruă Khua pơ ala mơnuih ƀôn sang dêh čar pơphun ngă Lơphet miđai mă bruă Khua pơ ala mơnuih ƀôn sang kơ ƀing khua pơ ala mơnuih ƀôn sang dêh čar ta tal 14.

Khua git gai wai lăng pơ ala mơnuih ƀôn sang dêh čar ta yă Nguyễn Thị Kim Ngân git gai mông ngă lơphet. Pơhiăp amăng mông ngă lơphet, Khua git gai wai lăng pơ ala mơnuih ƀôn sang dêh čar ta yă Nguyễn Thị Kim Ngân brơi thâo, anai lĕ mông tŭ yua pioh pơpŭ, djă pioh, bơni hơdôm tơlơi gum hơgô̆p klă ba glăi bôh tŭ yua mơng ƀing khua pơ ala mơnuih ƀôn sang hăng hơdôm bruă mă mơng Khua pơ ala mơnuih ƀôn sang amăng rơwang bruă phrâo rơgao ăt kah hăng hơdôm rơwang bruă pơ̆ anăp mơn, djru tô̆ tui črăn jơlan 75 thun pơjing hăng pơđĭ kyar mơng Khua pơ ala mơnuih ƀôn sang dêh čar Việt Nam. Amăng mông ngă lơphet, ơi Trần Văn Túy, Khua Grŭp hyu mă bruă mơng khua pơ ala (Jơnum min apăn bruă khua pơ ala mơnuih ƀôn sang dêh čar) hmâo pơdah laih Tơlơi pơtrun pơsit mơng Jơnum min apăn bruă Khua pơ ala mơnuih ƀôn sang kơ bruă ƀơk miđai mă bruă mơng Khua pơ ala mơnuih ƀôn sang Việt Nam pioh kơ 472 čô khua pơ ala mơnuih ƀôn sang tal 14./.

Siu H’ Prăk: Pô pơblang