VOV4.Jarai - Ping gah ƀôn prong Hồ Chí Minh phrâo pơphun Jơnum bưp ƀô̆ mơta hơdor glăi 46 thun Hrơi Tlaih rơngai kual Dơnung dêh čar, pơlir hơbit lŏn ia (30/4/1975 – 30/4/2021). Amăng mông bưp ƀô̆ mơta, Khua git gai ƀôn prong Hồ Chí Minh hmâo pơphun phiăn hyu ƀơk brơi hră pơanăn mơng Kơnuk kơna “Amĭ Việt Nam Sông kơtang” tal 41 hăng 14 čô amĭ hmâo rơkơi, ană pơsăn drơi yua kơ bruă tlaih rơngai djuai ania, pơdŏng hăng pơgang lŏn ia.

Ƀôn prong Hồ Chí Minh bưp ƀô̆ mơta hơdor glăi 46 thun Hrơi Tlaih rơngai kual Dơnung dêh čar pơlir hơbit lŏn ia

Pơhiăp amăng mông ngă lơphet, Khua git gai Ping gah ƀôn prong Hồ Chí Minh Nguyễn Văn Nên lăi rơđah, amăng gru grua blah ayăt pơdŏng lŏn iă hăng wai lăng lŏn ia mơng djuai ania ta, tơlơi tlaih rơngai lơ 30/4/1975 lĕ sa amăng hơdôm gru ƀuh rơđah hloh, hmâo tơhnal lŏn ia hăng jar kơmar. Khua git gai Ping gah ƀôn prong Hồ Chí Minh pơdah pran jua hơdor tơngia kơ hơdôm mơnuih hmâo tuh rơyuh pran jua, drah kơtak mơng pô kơ bruă tŭ mă tơlơi rơngai djuai ania, tơlơi dưi pô hăng pơlir hơbit lŏn ia, yua kơ tơlơi yâu mơ-ak mơng mơnuih ƀôn sang. Tơlơi anai ƀu djơ̆ kơnong kơ hmâo bôh tŭ yua ngă tui phiăn juăt, pơpŭ hơdôm bôh yôm gru grua ôh mơ̆ ñu dô̆ jing tal pioh jao kơ jơlan khăp kơ lŏn ia, phiăn hơdĭp mơda, tơlơi čang rơmang, pran hrưn đĭ, amra pơsăn drơi yua kơ Lŏn ia, yua kơ mơnuih ƀôn sang./.

Siu H’ Prăk: Pô pơblang