VOV4.Jarai - Ƀon prong Hồ Chí Minh ngă hiư̆m pă kiăng dưi hrưn đĭ dưm kơnar hăng plơi prong ƀơi kual Đông Nam Á. Anun lĕ tơlơi mơ̆ ƀing khua pơƀut bơkơtuai ƀơi mông Jơnum boh thâo phrâo “Hơdră ngă bruă pơđĭ kyar ƀon prong Hồ Chí Minh rơwang thun 2021-2030 hăng lăng nao truh pơ thun 2045” yua Jơnum min mơnuih ƀon sang ƀon prong Hồ Chí Minh pơphun lơ 5/5. Jơnum anai hơmâo 80 tơlơi ba bơkơtuai mơng ƀing kơhnâo, khua mua mơng hơdôm ding jum, anom bruă, hơdôm tơring čar amăng Kual bơwih ƀong phun kual Dơnung. Yua hnun, tơlơi đĭ kyar mơng ƀon prong pơtrut đĭ tơlơi đĭ kyar mơng kual, wơ̆t mơng lŏn ia mơtăm. Ƀon prong pơsit pơđĭ kyar tui jơlan plơi prong hơđong kơjăp, plơi prong rơgơi lĕ khŏm tañ pơplih mrô, ngă bruă hăng mrô, gong gai mă yua mrô, mơnuih mơnam mă yua mrô, pơđĭ tui anŏ klă mơng bruă bơwih brơi mơnuih ƀon sang.

Siu H’Mai: Pơblang