Ba yua ia rơgơi mrô pơtrut pơđĭ kyar hơđong kjăp bruă ngă hmua giăm plơi prong
Thứ sáu, 11:46, 12/04/2024
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV4.Jarai-Mơguah tom brơi, lơ 11/4, ƀơi plơi prong Đà Lạt, Anom bruă pơsur ngă hmua dêh čar Ding jum Ngă hmua hăng pơđĭ kyar plơi pla, ngă hrŏm Gơnong bruă Ngă hmua hăng pơđĭ kyar plơi pla tơring čar Lâm Đồng pơphun jơnum pơsur bruă ngă hmua giăm plơi prong tal 1 thun 2024 hăng akŏ ñu ba yua boh thâo ia rơgơi mrô ngă hmua pơkra ming hăng sĭ mơdrô gơnam tam dang hmua hơdjă rơgoh.
Jơnum anai hơmâo hmư̆ 5 mơta tơlơi čih lăi pơthâo, pơčrong sai hăng čih pioh lu tơlơi pơgôp hiăp mơ̆ng ƀing mơnuih rơgơi kơhnâo, anom bruă git gai wai lăng hlăk pok pơhai lu hơdră pơblih yua mrô mơ̆ng djop ding jum, anom bruă, khul grup ngă hrŏm pơsur ngă hmua ƀơi plơi prong mơ̆ng lu tơring čar.
Ơi Lê Minh Lịch, Kơ-iăng khua Gơnong bruă pơsur ngă hmua dêh čar brơi thâo, jơnum pơčrong anai amra djru yôm biă mă kơ bruă mă pơblih yua mrô amăng bruă ngă hmua, pla pơjing, ming pơkra gơnam sĭ mơdrô mơ̆ng đang hmua giăm kual plơi pla pơ anăp anai.
Viết bình luận