Pơtrut anŏ gêh găl ngă hrŏm gah bruă hmua
Thứ tư, 06:22, 15/05/2024
VOV/Nay Jek pơblang
VOV/Nay Jek pơblang
VOV4.Jarai-Ƀơi Hà Nội, Ding jum Bruă hmua hăng Pơđĭ kyar plơi pla jơnum “Pơtrut anŏ gêh găl ngă hrŏm amăng bruă ngă hmua” hăng hơmâo ƀuh ƀô̆ mơta hrŏm lĕ ƀing khua mua pơ ala gah bruă sĭ mơdrô hăng gah đang hmua hơdôm dêh čar ngă hmua rơgơi pơđĭ kyar hloh amăng rŏng lŏn tơnah.
Tŭ ư hrŏm amăng mông jơnum, ƀing khua mua lăi lĕ, dŏ amăng khul 15 boh dêh čar sĭ mơdrô gơnam boh troh đang hmua lu hloh laih anun dong tal dua ƀơi kual Ngŏ dơnung ASIA hăng rơbêh 170 boh dêh čar, kual lŏn ngă gơ̆p, Việt Nam lĕ jơlan tơkuh pơtruh nao rai yôm biă mă amăng glông rơnoh pơmă laih anun dêh čar ngă bruă hur har amăng bruă pơkra ming mơnong ƀong huă ƀơi rŏng lŏn tơnah.
Lăi pơtong ƀơi mông jơnum, Khua ding jum bruă hmua hăng pơđĭ kyar plơi pla ơi Lê Minh Hoan lăi, Việt Nam jing pô sĭ mơdrô gơnam đang hmua samơ̆ ăt jing anih anom blơi lu braih pơdai, mơnong ƀong huă pơkra ming giong laih anun ngă hrŏm gah bruă hmua hăng sĭ mơdrô pơprong.
Viết bình luận