Amăng 3 blan akŏ thun, đơ đam tơring čar pơhrui mơng sĭ mơdrô pơ tač rơngiao 306 klăk đôlar Mi, đĭ 16% pơhmu tui tơđar thun hlâo. Amăng anun, kơphê ăt ba jơlan hlâo hăng 92.000 tơ̆n, hăng nua ñu 266 klăk đôlar Mi. Pơhmu hăng 3 blan akŏ thun hlâo, sĭ mơdrô kơphê mơng Gia Lai hrŏ trun 15% kơ mrô gơnam ba sĭ, samơ̆ đĭ 17,1% rơnoh pơhrui glăi, pơgôp giăm 87% rơnoh sĭ mơdrô pơ tač rơngiao mơng tơring čar.

Hơdôm gơnam tŏ tui pok pơhai hơdôm hơdră djop mơta kiăng pơtrut wŏt pơkra pơjing hăng sĭ mơdrô pơ tač rơngiao anun lĕ pơtrut hrưn đĭ klă dong mơng anom bơwih ƀong sĭ mơdrô gơnam pơ tač rơngiao; pla pơjing gơnam đang hmua pơprong; jak iâu tuh pơ alin man pơdong anih anom sĭ mơdrô hăng logistics.