Hơdôm bruă bơkơtuai ƀơi mông jơnum kiăng gum pơčrông sai hăng lăi pơthâo tơlơi apăn bruă mơ̆ng hơdôm kơčăo bruă kiăng ƀing kơhnâo kơjăp bruă hloh, prăp rơmet mă pô mơ̆ dua bơnah gum pok pơhai ƀơi 3 kual: Yŭ Kơdư, Dap Kơdư hăng kual lŏn dăo ia krông Cửu Long ăt kah hăng tơlơi kiăng, tơlơi yôm mơ̆ng bruă pơđĭ kyar mơnuih mă bruă kơsem min boh thâo ia rơgơi gah đang hmua kiăo tui tơlơi pơplih ayuh hyiăng laih anun pơsir hĭ hơdôm tơlơi lông lăng braih apiăng.

Kơ-iăng khua ding jum bruă hmua hăng pơđĭ kyar ƀôn lan ơi Phùng Đức Tiến brơi thâo, kiăng pơsir hĭ hơdôm tơlơi lông lăng ră anai kah hăng: ayuh hyiăng ƀu lăp, hrŏ trun hyuh hơƀak mơ̆ng sang mơnil, pơđĭ kyar ngă hmua Mơtah, ăt kah hăng hơdôm tơlơi pơgăn gah boh thâo kĭ thuâ̆t mơ̆ng hơdôm boh dêh čar blơi gơnam tam jai hrơi lu, dua bơnah kiăng ngă hrŏm kjăp đah mơ̆ng thâo krăn hơdôm tơlơi lông lăng, gum pơsir hĭ tŭ yua.