Buôn Ma Thuột (Dak Lăk) mă yua 3 klai 500 klăk iâu pơthưr mơnuih rơgơi glăi mă bruă
Thứ tư, 14:16, 06/03/2024
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV4.Jarai - Plơi prong Buôn Ma Thuột (Dak Lăk) hơmâo mă yua 3 klai 500 klăk prăk iâu pơthưr mơnuih rơgơi kơhnâo amăng bruă: Boh thâo măi mok pôr pơhing, ngă hmua hăng măi mok; bruă tuai čuă ngui, man pơkra plơi prong, čih pơkra - dưm dăp hơdră djru mơ̆ng kơnuk kơna.
Tong ten ñu, ƀing mă bruă hrăm gưl prong, rơgơi amra hơmâo djru ba blung a lĕ 500 klăk prăk lơ̆m sa čô, hơmâo apah prăk blan lu hloh anun lĕ 50klăk/čô/blan. Hăng mơnuih mă bruă kiăo tui rơnoh pơkă, hơmâo apah prăk tui hră kĭ pơkôl. Rim ring bruă, kơčăo bruă kơsem min boh thâo ia rơgơi, tơlơi pơčeh boh thâo kĭ thuâ̆t, măi mok hơmâo anom bruă kơnuk kơna pơsit, tŭ yap lĕ hơmâo mă prăk pơsur pran jua dưm dưm hăng 1% mrô prăk apah kơ kơčăo bruă. Prăk djru pơtrut pơsur ƀu aset hloh kơ 50klăk/sa čô/sa ring bruă. Hrơi blan pơhưč mơnuih mă bruă pơphun mơ̆ng klâo blan tal 2 thun 2024 truh kơ abih thun 2027.
Viết bình luận