Djru brơi sang anŏ tơnap tap ƀơi Gia Lai amăng blah djru khăp pap
Thứ sáu, 10:31, 10/05/2024
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai-Khul ia jrao kyâo bơrơkal mriah tơring čar Gia Lai pok pơhai blan djru khăp pap thun 2024 hăng anăn “Ngă bruă djru ană mơnuih-Jao hăng tŭ tơlơi khăp pap”, ngă tui tơlơi jak iâu “Hơdôm hlăk čô mơnuih djru khăp pap” hăng hơnong pơkă djru brơi lu mơnuih tơnap tap amăng tơring čar Gia Lai hăng hơdôm boh tơring čar kual Yŭ kơdư.
Amăng blan djru khăp pap thun 2024, pơphun prong hloh dong mơng lơ 8/5 truh lơ 19/5, djop gưl amăng tơring čar Gia Lai gir run jak iâu pơgôp 6 klai 500 klăk prăk, djru brơi 30.000 boh sang anŏ tơnap tap hăng lu tơlơi djru phara hơmâo khăm pơjrao, črâo brơi bruă bơwih brơi tơlơi suaih pral, ƀơk jrao brơi mơnuih ƀôn sang. Ƀơk rơbêh 7.000 anung gơnam, pơphun pơtô pơblang, pơtrut pơsur nao pơyơr drah hăng 1.300 anung drah.
Khul ia jrao kyâo bơrơkal mriah tơring čar Gia Lai brơi thâo, hơdôm bruă djru khăp pap thun anai ƀu djơ̆ kơnong djru brơi mơnuih tơnap tap ƀơi Gia Lai đôč ôh mơ̆ ăt ngă lar hyu djop anih tui tơlơi jak iâu “Hơdôm hlăk čô mơnuih djru khăp pap” yua Khul ia jrao kyâo bơrơkal mriah dêh čar pok pơhai.
Viết bình luận