Gum hrŏm tal hyu hơduah ĕp, kuai mă, ba glăi tơlang tơleh tal anai, ƀing apăn bruă tơhan, ling tơhan gah Grŭp K52, Anom bruă kơđi čar, Ƀirô git gai ling tơhan tơring čar Gia Lai dưi pơpha jing hơdôm grŭp, ƀut pơphun hyu hơduah ĕp ƀơi 3 bôh tơring čar gah ngŏ kơdư dêh čar Kur anun lĕ Preah Vihear, Stung Treng hăng Ratanakiri.

Hơdôm hrơi mơ̆ng ră anai truh abih bơyan phang krah thun 2025. Amăng mông pơphun, khua tơring čar Gia Lai hrŏm hăng Khua Ƀirô git gai Khul ling tơhan tơring čar Gia Lai hmâo mơ-ĭt laih tơlơi tơña bla, pơsur ƀing tơhan hyu mă bruă tal anai. Hrŏm hăng anun rơkâo Grŭp K52 thâo kơjăp dong tơlơi pơkă kơ bruă rô nao rai hăng jar kơmar, ngă tui tơpă tơlơi phiăn khul ling tơhan, hơdôm tơlơi pơkă amăng Ding jum khul ling tơhan, mơ̆ng Quân khu amăng bruă pơtom hiăp. Thâo kơjăp tơlơi ƀơi plơi pla, hơdôm tơlơi pơhing kơ anih dor tơhan pơsăn drơi, pơhlôm hơdôm tơlơi pơhing leng dưi pel ĕp, pơsit./.