Amăng hơdôm blan akŏ thun, tơlơi bơwih ƀong huă, mơnuih mơnam amăng tơring čar Cao Bằng tŏ tui pơđĭ kyar. Amăng bruă gru grua, ia jrao, ĕp brơi bruă mă, djru brơi tơlơi hơdip bơwih ƀong huă hăng djop mơta bruă pơkŏn tŏ tui hơmâo tơlơi đing nao, pơđĭ kyar; kơđi čar-mơnuih mơnam hơđong; bruă wai pơgang rơnuk rơnua mơnuih mơnam hơmâo pơhlôm hơđong, bruă pơtom hiăp mơng tơring čar tŏ tui pok prong.

Khua jơnum min djuai ania ơi Hầu A Lềnh rơkâo tơring čar Cao Bằng pok pơhai djop mơta tơlơi pơtrun mơng Kơnuk kơna. Amăng anun đing nao pơsir hĭ hơdôm tơlơi tơnap tap brơi anom bơwih ƀong sĭ mơdrô, ngă tui pran gơgrong mă pô, hluai tui tơlơi gal pơđĭ kyar bơwih ƀong huă mơnuih mơnam amăng tơring čar. Hrŏm hăng anun, tơring čar kiăng pơhlôm klă bruă djru tơlơi hơdip mơnuih ƀôn sang, sit biă ñu lĕ hơdôm boh să kual mơnuih djuai ania ƀiă dưi tŭ mă hơdôm hơdră djru, kiăng pơhlôm brơi tơlơi hơdip kơ mơnuih ƀôn sang.