Ƀơi tơring glông Mang Yang, grup khua pơ ala mơnuih ƀôn sang dêh čar mơ̆ng tơring čar Gia Lai bưp mơnuih ƀôn sang ƀơi să Đăk Jơ Ta. Pơ anai, grup khua čih pioh hơdôm tơlơi rơkâo ngă hră pơ-ar lŏn tơnah; hơmâo tơlơi djru lăp djơ̆ kơ mơnuih wai lăng amăng plơi pla, ƀing khua apăn bruă mơ̆ng să...Hrŏm hăng anun, ngă gêl gal brơi djru mơnuih ƀôn sang pơđĭ kyar bơwih ƀong kah hăng: pơkra kơjăp rơdrông găn nao pơ ia Ayun kiăng mơnuih ƀôn sang nao rai mơ-ak, pơgiăng gơnam tam hăng lăng ba brơi lŏn ngă hmua kơ mơnuih ƀôn sang djuai ƀiă.

Ƀing khua pơ ala mơnuih ƀôn sang dêh čar tơring čar Gia Lai pơƀut, pơƀuh pơ hơdôm ding jum, anom bruă kơnuk kơna, ƀudah lăi pơthâo ƀơi mông jơnum bơkơtuai khua pơ ala mơnuih ƀôn sang dêh čar či lăi glăi mơnuih ƀôn sang.