Hơdôm thun rơgao, hrŏm hăng hlăk ai đơ đam dêh čar, hlăk ai djop djuai ania tơring čar Dak Lak tŏ tui pơsit tong tơlơi gơgrong, ƀu pơdơi pơhrăm pô, gir run hrưn đĭ amăng tơlơi hơdip mơda. Amăng jơlan hơdră bư̆p ƀô̆ mơta, ƀing čơđai sang hră ba gru hơmâo mut hrŏm amăng lu bruă mă anun lĕ: Tŭi ñang ƀơi anih pioh hơdor ling tơhan Nam Tiến hăng dưm guang bơnga ƀơi gong kut wa Hô; jơlan hơdră “pel ĕp gru grua”; jơnum “Pơčrông sai kơ gru grua phara mơng čơđai sang hră gưl prong Dak Lak amăng rơnuk mut hrŏm hăng pơđĭ kyar”, pơlăi nao rai bruă “Tô nao rai čơđai sang hră gưl prong hăng ƀing bơwih ƀong sĭ mơdrô, anom bơwih ƀong sĭ mơdrô”.

Ƀrô tal anai, Khul čơđai sang hră gưl prong Việt Nam tơring čar Dak Lak hơmâo pơpŭ 50 čô čơđai sang hră djuai anai ƀiă ba gru; pơphun pok grup gru grua phara čơđai sang hră gưl prong Dak Lak. Grup hơmâo akŏ pơjing kiăng hơmâo anih tum pơƀut, djru brơi ƀing hlăk ai dưi pel ĕp hăng djă pioh gru grua mơng djuai ania pô.