Him lăng hơdôm hrơi pơ anăp amra hơmâo 25 rơbâo anung gơnam, nua ñu 17,5 klai prăk amra hơmâo brơi kơ hơdôm boh sang anŏ tơnap tap amăng đơ đam tơring čar. jơlan hơdră hơmâo brơi 33 anung gơnam hăng 300 pok hră nao pơ sang čơ 0 prăk, hăng nua ñu rơbêh 233 klăk prăk kơ sang anŏ tơnap tap ƀơi tơring glông Čư̆ Kuin. Hơdôm mơta gơnam 0 prăk hơmâo ƀañ čưng, ƀañ kĕo, gơnam juăt yua (ia rơmă, ia măm, si dâu, sik, ƀô̆t ngô̆t, mi tôm, braih).

Rơngiao kơ 3 jơlan hơdră ƀơi hơdôm boh tơring glông Čư̆ Kuin, Čư̆ Mgar hăng Ea Kar yua Khul ia jrao kyâo bơrơkal mriah tơring čar ngă hrŏm hăng gong gai pơphun ngă, hơdôm boh tơring dŏ glăi amra ruah mă jơlan hơdră lăp djơ̆ hăng tơlơi kiăng mơ̆ng tơring ƀing gơñu.