Tui anun, tơring čar Dak Lăk pơsit mă yua prăk nao čuă hăng brơi gơnam kơ hơdôm khul grup mơnuih mơnam amăng bơyan Tê̆t Giáp Thìn 2024 jing rơbêh 77 klai prăk. Tal anai, khua mua tơring čar Dak Lăk amra nao čuă, brơi 51 anung gơnam kơ mơnuih djru lŏn ia, hăng hơdôm anom bruă kơnuk kơna, kông an, tơhan pơgang guai hăng ling tơhan ƀơi tơring čar.

Hrŏm hăng anun, Jơnum min djŏp djuai ania mơnuih mơnam tơring čar, Khul ia jrao kyâo bơrơkal mriah tơring čar Dak Lăk ăt prăp rơmet jak iâu mơnuih gum djru či nao čuă, brơi gơnam kơ hơdôm boh sang anŏ rin, sang anŏ tơnap tap hăng mơnuih hơmâo anăn kơnuk kơna djru pơ kual ataih, mơnuih ƀôn sang djuai ƀiă kiăng abih bang hơmâo čơkă Tê̆t mơ-ak mơ-ai.