Tui hăng Kông ti Apui lơtrik Dak Lăk, hơdôm blan akŏ thun 2024 bruă mă yua apui lơtrik mơ̆ng tơring čar lu hloh kơ hơdôm thun hlâo. Tong ten ñu, amăng blan 2, kiăng yua apui lu hloh kơ 30% pơhmu hăng thun 2023. Hơdôm hrơi akŏ blan 3, apui mă yua ƀơi rơnoh 510MW laih anun amra truh kơ 550MW amăng hơdôm hrơi pơ anăp dong. thâo hlâo laih bruă anai, mơ̆ng akŏ bơyan phang, Kông ti črâo bruă kơ hơdôm anom bruă apui lơtrik krăp lăng re se hăng pơsir hmao kru bruă mă yua apui rơgao rơnoh pơkă hrĕ pơkĕ apui, anih pơđuăi jua apui đĭ trun, aptomat jua trun...či mă yua rơnuk rơnua măi mok; pel ĕp hrĕ dăng apui hăng anih pơkĕ jua đĭ trun, pơkă lăng hyuh pơ-iă ƀơi hơdôm anih pơkĕ apui, biă ñu lĕ măi mok pơkĕ apui jua kơtang đah mơ̆ng tañ ƀuh tơlơi truh hăng pơgăn hĭ.

Ơi Trần Tấn Phùng, Kơ-iăng khua kông ti apui lơtrik Dak Lăk brơi thâo, anom bruă hơmâo pơgang hlâo laih djŏp tơlơi truh tơdah hơmâo lơ̆m mơnuih ƀôn sang yua apui lu, laih anun pơsir tŭ yua, pơhlôm hơmâo djŏp apui yua kơ mơnuih ƀôn sang.