Ơi Phan Đình Trạc hơmâo jao brơi 300 anung gơnam têt kơ lu sang anŏ, anom bruă, mơnuih mă bruă, ngă kông ñơn tơnap tap amăng tơring čar Cà Mau; laih dơ̆ng ƀơk 500 klăk prăk kơ “Keh prăk djru mơnuih ƀun rin” tơring čar.

Ƀơi mông ƀơk gơnam, ơi Phan Đình Trạc brơi thâo, thun blan rơgao ping gah hăng kơnuk kơna đing nao lu biă mă ngă tui hơdră pơhrŏ ƀun rin hơđong kjăp, kiăng pơđĭ tui tơlơi hơdip mơda kơ mơnuih ƀôn sang, mơnuih mă bruă apah, ăt kah hăng ngă lu bruă hơdor tơngia kơ sang anŏ hơmâo djru bruă hơkrŭ lŏn ia. Tơlơi anun kiăng ngă djơ̆ tơlơi phiăn gru grua hiam “Ƀong boh hơdor kơ pô pla, mơñam ia hơdor kơ pô klơi”, pơdah rai tơlơi djru mơ̆ng ping gah, kơnuk kơna hăng mơnuih ngă hơkrŭ, sang anŏ ƀun rin, mơnuih tơnap tap.