Giăm 1000 tơn braih mơ̆ng kơnuk kơna ƀơk kơ sang anŏ tơnap tap ƀơi Dak Lak ƀong têt thun 2024
Thứ tư, 06:06, 07/02/2024
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV4.Jarai-Amăng 2 hrơi, lơ 6 hăng lơ 7/2, jing lơ 27 hăng lơ 28 hrơi têt, Anom bruă djă pioh gơnam kơnuk kơna gah kual dơnung Dap kơdư ngă hrŏm Gơnong wai lăng bruă mă Tơhan rơka hăng Mơnuih mơnam Dak Lak ƀơk braih kơ sang anŏ ƀun rin ƀơi tơring čar anai, kiăng djru mơnuih ƀôn sang huăi ư̆ rơpa amăng hơdôm hrơi têt thun 2024.
Tui hăng anun, amăng tal djru braih anai, tơring čar Dak Lak hơmâo abih bang truh 16.290 boh sang anŏ hăng 61.342 čô mơnuih ƀơi 12 boh tơring glông amăng tơring čar kiăng djru braih huă mơ̆ng kơnuk kơna ƀơk kơ mơnuih ƀôn sang ƀong têt Giáp Thìn 2024. Rim čô mơnuih dưi tŭ mă 15 kg braih. Braih ƀơk brơi tal anai abih bang 920 tơn.
Tơdơi kơ tŭ mă braih mơ̆ng Khua dêh čar git gai brơi djru, djop anom bruă ƀơi Dak Lak pơphun ĕp glăi jŭ yap čih anăn sang anŏ tơnap tap biă mă pioh djru braih huă. Bruă ƀơk braih anai dưi ngă tui djơ̆ hơdră, braih hiam, djop rơnoh, brơi kơ djop pô hơmâo anăn hăng ba djơ̆ hrơi mông pơkă brơi ƀơk braih truh abih lơ 28 têt khom giong.
Viết bình luận