Grup hyu mă bruă mơng Anom bruă git gai kual 3 tơhan sơlup nao čuă, pơpŭ tết ƀơi tơring glông bul pơtâo Lý Sơn
Thứ năm, 14:12, 25/01/2024
VOV/Siu Đoan Pơblang
VOV/Siu Đoan Pơblang
VOV4.Jarai-Mơguah tom brơi (24/1) grup hyu mă bruă anom bruă git gai kual 3 tơhan sơlup Khua git gai tơhan Nguyễn Đăng Tiến, Khua apăn bruă Ping gah- Khua anom bruă kual 3 tơhan sơlup ba jơlan hlâo hrŏm hăng ƀing pơ ala brơi hơdôm anom bruă, gong gai, anom bơwih ƀong sĭ mơdrô nao čuă, ƀơk gơnam, pơpŭ tết ƀing apăn bruă, ling tơhan hăng mơnuih ƀôn sang glăk mă bruă, dŏ hơdip amăng tơring glông bul pơtâo Lý Sơn, tơring čar Quảng Ngãi ƀrô bơyan čơkă thun phrâo Giáp Thìn 2024.
Pơ ala brơi Ping gah, Anom bruă git gai kual 3 tơhan sơlup hăng grup hyu mă bruă, Khua git gai tơhan sơlup Nguyễn Đăng Tiến mơ-it nao tơlơi tơña bla, pơpŭ thun phrâo ƀing apăn bruă, ling tơhan hăng mơnuih ƀôn sang tơring glông bul pơtâo Lý Sơn čơkă thun phrâo mơ-ak mơ-ai, hiam drơi jăn, pơđao pran jua.
Khua git gai kual 3 tơhan sơlup lăng yôm tơlơi gum pơgôp mơng ƀing apăn bruă Ping gah hăng mơnuih ƀôn sang tơring glông bul pơtâo hăng ƀing apăn bruă, tơhan wai lăng anih dưm radar 550 gah Trung đoàn 351, Anom bruă git gai kual 3 tơhan sơlup lăi phara hăng ling tơhan lăi hrŏm amăng bruă wai pơgang rơnuk rơnua, hơđong amăng bul pơtâo plao ia rơsĭ dêh čar.
Viết bình luận