Jơnum min Gru grua, Pơtô hrăm pơphun Jơnum abih bang tal 7
Thứ bảy, 09:57, 04/05/2024
VOV/Siu H'Mai pơblang
VOV/Siu H'Mai pơblang
VOV4.Jarai - Lơ 3/5, ƀơi sang bruă pơ ala mơnuih ƀôn sang, Jơnum min Gru grua, Pơtô hrăm pơphun Jơnum abih bang tal 7, bơkơtuai pơgôp hiăp kơ Jơlan hơdră dêh čar pơtrun pơđĭ kyar gru grua boh thâo rơwang thun 2025-2035.
Tui hăng akŏ bruă, Jơlan hơdră hơmâo kah jing 2 tal. Amăng anun, truh pơ thun 2030 dưi ngă 9 mơta bruă hăng truh thun 2035 ăt dưi ngă 9 mơta bruă djơ̆ hăng tơlơi git gai mơ̆ng Khua git gai Ping gah ơi Nguyễn Phú Trọng ƀơi mông Jơnum gru grua đơ đam dêh čar thun 2021.
Him lăng prăk pioh ngă jơlan hơdră thun 2025-2030 lĕ 122 rơbâo 250 klai prăk. Pơhiăp ƀơi mông Jơnum, Kơ-iăng khua git gai pơ ala mơnuih ƀôn sang dêh čar ơi Trần Thanh Mẫn kiăng Kơnuk kơna prăp lui tong ten djŏp tơlơi hơmâo, gơnam tam, mơnuih mă bruă đah mơ̆ng dưi ngă Jơlan hơdră, pơhlôm bruă iâu pơthưr, wai lăng, kah pơpha, mă yua prăk kăk, mơnuih mă bruă djơ̆ tơhnal.
Viết bình luận