Bruă jơnum kiăng pơsir hĭ hơdôm tơlơi tơnap, tơlơi gun kơ sang dŏ, bruă pok pơhai, boh than ba glăi mơ̆ng Kơčăo bruă anai. Kơ boh than pơphun ngă bruă man pơkra sang dŏ djru mơnuih tơnap tap mơ̆ng thun 2021 truh ră anai kiăo tui tơlơi tum pơƀut lăi pơthâo glăi mơ̆ng hơdôm boh tơring, ƀơi dêh čar hơmâo 503 kơčăo bruă man pơkra sang dŏ djru mơnuih ƀôn sang tơnap hơmâo pơphun ngă hăng 418.200 boh sang dŏ, amăng anun mrô hơmâo ngă giong lĕ 75 kơčăo bruă.

Mrô kơčăo bruă hơmâo pơphun man pơkra jing 128 hăng 115.379 boh sang dŏ; mrô kơčăo bruă hơmâo kĭ hră tuh pơ alin lĕ 300 kơčăo bruă. Pơhiăp ƀơi mông jơnum, Khua dêh čar ơi Phạm Minh Chính, pơđĭ kyar sang dŏ djru mơnuih ƀôn sang tơnap jing tơlơi yôm phun mơ̆ng jơlan hơdră pơđĭ kyar bơwih ƀong huă mơnuih mơnam, Anom bruă kơđi čar, djŏp gưl, anom bruă kiăng pơsit bruă pơđĭ kyar sang dŏ jing bruă kơđi čar yôm biă mă mơ̆ng hơdôm boh tơring čar ƀôn prong, anom bruă kiăng pơƀut hloh dong, khut khăt hloh dong, gir hloh đah mơ̆ng dưi ngă truh kih mrô rơnoh pơkă sang dŏ djru mơnuih mơnam hơmâo ba tơbiă.