Tui tơlơi lăi pơthâo glăi mơ̆ng Ding jum ia jrao, rơwang pơkă mrô mơnuih thun 2023 mơ̆ng Việt Nam năng ai ñu 100,3 klăk čô mơnuih, rơnoh đĭ lui mơnuih ƀôn sang 0,84%. Mrô hăng rơnoh mrô mơnuih ƀôn sang glăk amăng hnưr thun mă bruă hmâo giăm truh 70% mrô mơnuih ƀôn sang, amăng rơwang dăp hơdră mrô mơnuih ƀôn sang yôm. Khă hnun hai, rơwang pơkă mrô mơnuih prong ăt tơnap mơn hăng anih anom bơwih ƀong, măi mok mă yua, mơnuih mơnam, anih anom plơi prong, plơi pla.

Việt Nam lĕ dêh čar hmâo rơnoh mrô mơnuih tha tañ (pơkă hlâo truh rơnuk mrô mơnuih ƀôn sang tha amăng thun 2038) amra bơdjơ̆ nao sat truh lu bruă mơ̆ng tơlơi hơdip mơda mơnuih mơnam kah hăng bruă bơwih brơi tơlơi suaih pral, hơđong tơlơi hơdip mơda mơnuih mơnam, bruă mă. Klah čun bruă jơnum, Kơ-iăng Khua dêh čar ta ơi Trần Hồng Hà rơkâo pơtrut kơtang lăi pơhing hyu, lăi pơthâo tơlơi pơmin djop, djơ̆, tum, tơhnal yôm phăn mơ̆ng hơdră bruă mrô mơnuih hăng pơđĭ kyar; tañ pơjing, ngă giong rơwang čih tơlơi phiăn kơ bruă mrô mơnuih hăng pơđĭ kyar; pơphô brơi jơlan gah pơphun bruă mă gah mrô mơnuih ha amăng plĕ, pơlir hơbit, nao hrŏm hăng jơlan gah pơpha prăk mă yua, mơnuih mă bruă pioh ngă tui; pơjing anih dưm mrô, gơnam pioh pơhrui mă mrô, tŭ yap hơdôm tơhnal pơkă mrô mơnuih./.