Ƀrô têt thun anai, Cần Thơ khom đing nao, lăng ba, hơmâo lu bruă mă tŭ yua hloh kơ hơdôm sang anŏ hơmâo ngă bruă hơkrŭ, kơnuk kơna djru, sang anŏ mơnuih mă bruă apah ƀun rin hăng sang anŏ tơnap tap truh abih blan 1/2024, Ƀôn prong hơmâo ƀơk 73.902 anung gơnam hăng rơnoh prăk abih tih 74 klai.

Thun blan pơ anăp, Khua dêh čar kiăng ƀôn prong Cần Thơ ăt đing nao kơ bruă djru mơnuih mơnam tơnap tap, čang rơmang ƀôn prong ngă klă laih ăt ngă klă tui dơ̆ng; Sit truh bơyan ƀong têt, ƀu lui kơ sa čô hlơi ôh lăi, ƀu hơmâo mơnong ƀong têt. Ƀrô tal anai, khua dêh čar hăng khua mua ƀôn prong nao ƀơk 200 anung gơnam kơ sang anŏ hơmâo anăn kơnuk kơna djru, sang anŏ mơnuih ƀôn sang ƀun rin; 400 anung gơnam ƀơk kơ sang anŏ ngă bruă apah; 50 anung gơnam brơi kơ mơnuih tha rơma ƀu hơmâo anih ưh gơnang, čơđai muai drit druai sang anŏ tơnap tap.