Pơhiăp amăng mông ngă lơphet, Khua mir sir dêh čar pơdah pran jua mơ-ak ƀơi anăp hơdôm bôh than mơ̆ng tơring čar Hậu Giang tơdơi kơ 20 thun pơdŏng mơ̆ng thun 2004 truh ră anai hăng lăng ba na nao truh tơlơi hơdip mơda hơđong mơnuih mơnam, bơwih brơi kơ mơnuih ƀun rin, mơnuih djru ngă hơkrŭ đưm, sang anô̆ tơnap tap. Gơnang kơ anun, mơ̆ng rơnoh mrô sang anô̆ ƀun rin 30% amăng thun 2004 lĕ truh ră anai hrŏ trun laih; hrŏm hăng anun iâo pơhrui hmâo ngăn rơnoh prong pơdŏng hơdôm pluh rơbâo bôh sang dô̆ khăp păp, sang dô̆ hơdor tơngiă, sang dô̆ Gum hrŏm hơbit.
Tơlơi anun djru bruă ngă tui tơhnal ba tơbiă klă hiam biă hrŏ trun sang dô̆ ƀu yâo, sang dô̆ jăng jai kơ mơnuih ƀôn sang. Khua mir sir dêh čar lăi rơđah, bôh than lăp ư-ang anun lĕ tơlơi gum hơgôp prong yôm phăn mơ̆ng Jơnum min djop djuai ania mơnuih mơnam, hơdôm khul grŭp kơđi čar mơnuih mơnam, hơdôm bôh anom bơwih ƀong hăng mơnuih thâo tơngia./.
Viết bình luận