Lăi pơthâo nao rai hăng khua tơring čar Kon Tum, gong gai hăng mơnuih ƀôn sang tơring glông Kon Braih amăng mông ƀơk gơnam tam, yă Võ Thị Ánh Xuân lăi rơđah bruă mă, anih anom mă bruă mơ̆ng tơring čar Kon Tum amăng dua rơnuk blah ayăt Prang hăng Mi hăng pran jua gum hrŏm hơbit, kơdŏng blah ayăt, pran gơgrong mơ̆ng mơnuih ƀôn sang djop djuai ania amăng tơring čar.

Đing nao truh tơlơi hơdip mơda mơnuih ƀôn sang djuai ania ƀiă, yă Võ Thị Ánh Xuân čang rơmang gưl ping gah, gong gai tơring čar Kon Tum ngă tui ba glăi bôh tơhnal dong hơdră bruă djuai ania pioh ngă giăm ƀiă rơwang pơđĭ kyar kơplah wah djop djuai ania, kual, anih anom pioh abih bang mơnuih ƀôn sang dưi čơkă mă djop tum bôh tơhnal hơkrŭ; hrŏm hăng anun lĕ hơneč mă tơlơi git gai mơ̆ng Ping gah, Kơnuk kơna ăt kah hăng iâo pơhrui, pơhrua hrŏm djop ngăn rơnoh, biă ñu prăk mă yua mơ̆ng hơdôm jơlan hơdră pơkă mơ̆ng Lŏn ia pioh pơđĭ kyar bruă ia jrao, pơtô pơhrăm, pơgang bôh thâo phiăn juăt hăng ngă klă hơdră bruă hơđong tơlơi hơdip mơda mơnuih mơnam./.