Khua mir sir Võ Văn Thưởng nao lăng, đĭ pơhiăp amăng mông bưp. Jơlan hơdră tê̆t tum jơngum-bơyan bơnga hơdor tơngia pơphun giăm tê̆t tui phiăn juăt rĭm thun, yua Khul mơnuih mă bruă mut phung djop gưl pơphun, kiăng ba glăi tơlơi mơ-ak, tum jơngum pơđao pran jua brơi ƀing mơnuih mă bruă amăng thun phrâo, sit biă ñu lĕ ƀing mơnuih tơnap tap, ƀu dưi pot glăi pơ plơi pla ƀong tê̆t. Đĭ pơhiăp amăng jơlan hơdră anai, Khua mir sir Võ Văn Thưởng lăi pơtong, ƀôn prong Hồ Chí Minh lĕ anih pơphun lu bruă djru mơnuih mơnam sit nik hăng tŭ yua, pơgôp prong prin amăng bruă djru brơi mơnuih ƀun rin, tơnap tap, sang anŏ tui hơdră djru, ƀu djơ̆ kơnong amăng plơi prong đôč ôh mơ̆ ăt hơdôm kual đơ đam dêh čar.

Samơ̆, Khua mir sir brơi thâo, thun 2023 hơmâo lu anom bơwih ƀong sĭ mơdrô bưp tơnap tap, prăk apah pơhrua tê̆t aset, bơdjơ̆ nao bruă prap lui tê̆t kơ ƀing kông ñơn, mơnuih mă bruă. Lơm anun, mơng tơlơi pơphun mơng Jơnum min djop djuai ania mơnuih mơnam Việt Nam, Khul pơlir mơnuih mă bruă Việt Nam hăng hơdôm khul grup, jơlan hơdră Tê̆t tum jơngum-bơyan bơnga hơdor tơngia hơmâo pơgôp yôm phăn kiăng bơwih brơi tê̆t kơ ƀing kông ñơn, mơnuih mă bruă tơnap tap kiăng hlơi hlơi lêng kơ dưi čơkă thun phrâo mơ-ak mơ-ai.