Mơnuih ƀôn sang ƀơi tơring glông Thường Xuân rơkâo hơmâo hơdră phrâo brơi tơring glông kual čư̆ siăng, anun lĕ dưi djă pioh glăi hơdră djru lơm pơklaih mơng ƀun rin ƀudah đĭ plơi pla phrâo pơhrua mơng 5-10 thun dong. Mơnuih ƀôn sang čang rơmang Khua pơ ala mơnuih ƀôn sang dêh čar sem lăng bruă pơplih pơkra, pơhrua hơdră djru brơi ƀing čơđai, tơhan wai amăng plơi pla mơnuih djuai ania ƀiă. Pơsit tong ƀing Khua pơ ala mơnuih ƀôn sang tơring čar Thanh Hóa amra tŭ mă djop kiăng pơƀut glăi lăi pơthâo Khua pơ ala mơnuih ƀôn sang dêh čar, Kơnuk kơna, djop ding jum, gơnong bruă gah gơnong glông bơdjơ̆ nao kiăng tŏ tui kơsem min, pơsir hĭ.

Hơdôm tơlơi rơkâo djơ̆ tơlơi glăm ba amra pơsir hĭ amăng ƀon lan, Khua mir sir rơkâo ƀing khua mua tơring čar, tơring glông tŭ mă tơlơi rơkâo, pơsir hĭ tui tơlơi glăm ba tañ hloh, djơ̆ hăng tơlơi čang rơmang sit nik mơng mơnuih ƀôn sang tơring glông Thường Xuân. Ƀrô tal anai, anom bruă boh thâo ia rơgơi dăng kông ling tơhan Viettel hăng sang bruă prăk sĭ mơdrô pơčruih ngăn ling tơhan hơmâo jao 6 klai prăk kiăng man pơdong 100 boh sang brơi hơdôm sang anŏ tơnap tap sang tơ̆i rơ̆i amăng tơring glông Thường Xuân.