Anun lĕ, Tơlơi phiăn lŏn mơnai čih pơhrua; Tơlơi phiăn djop anom bruă brơi čan prăk čih pơhrua hăng 3 pok hră pơtrun yôm, amăng anun hơmâo Hră pơtrun kơ tơlơi phiăn mă bruă, jơlan hơdră yôm phara pioh pơsir tơlơi tơnap tap, gun gan, pơtrut hmar mă bruă ngă tui djop hơdră mơ̆ng dêh čar hăng Hră pơtrun kơ jơnum lok 5, khua mua pơ ala mơnuih ƀôn sang dêh čar tal 15. Tom brơi, Jơnum min apăn bruă phun pơ ala mơnuih ƀôn sang dêh čar čih pioh, pơtum hĭ, pơkra glăi Hră pơtrun kơ tơlơi phiăn mă bruă, jơlan hơdră yôm phara pioh pơsir tơnap tap, gun gan, pơtrut ngă tañ ngă tui djop hơdră dêh čar.
Kơ tơlơi phiăn brơi ngă lăng hlâo pơpha tơlơi dưi gưl mă bruă brơi tơring glông, Jơnum min apăn bruă phun pơ ala mơnuih ƀôn sang dêh čar tŭ ư ruah mă jơlan gah 2 pioh ngă tui Hră pơtrun. Khă tui anun, bruă ruah tơring glông pioh ngă lăng hlâo klă ƀiă jao kơ khua mua pơ ala mơnuih ƀôn sang gưl tơring čar pơsit, lăng nao kơ tơlơi pơhing hơmâo sit nik mơ̆ng tơring čar pioh ruah mă samơ̆ ƀu lu hloh kơ 2 boh tơring glông lơ̆m sa boh tơring čar pioh lông ngă lăng hlâo.
Viết bình luận