Kah hăng tơlơi pơhing hmâo pôr, Tal jơnum tui tơđar lok 5, Khua pơ ala mơnuih ƀôn sang dêh čar ta tal 15 hmâo pok phun mơguah lơ 15/1. Sa amăng 4 bôh yôm phăn dưi bơkơtuai amăng tal jơnum anai lĕ Hră čih Tơlơi pơtrun pơsit kơ sa dua hơdră pơkă, hơdră bruă pha ra pioh pơtlaih tơnap, tơlơi gun, pơtrut tañ rơnoh ngă tui hơdôm Jơlan hơdră pơkă mơ̆ng lŏn ia.

Ngă tui Tơlơi pơtrun pơsit kơ lăng tui akô̆ bruă amăng Tal jơnum lok 6, Gong gai dêh čar ta lăi pơthâo kơ Khua pơ ala mơnuih ƀôn sang pel ĕp, pơsit mă yua sa dua hơdră bruă pha ra pioh pơtlaih tơlơi tơnap, tơlơi gun, pơtrut tañ rơnoh hăng bôh tơhnal 3 Jơlan hơdră pơkă mơ̆ng lŏn ia, đing nao hơdôm bôh yôm phun: bruă pơpha, jao rơnoh pơkă lăng hlâo prăk mă yua ngăn drăp dêh čar rim thun; bruă pơplih pơkra rơnoh pơkă lăng hlâo ngăn drăp kơnuk kơna, kơčăo bruă tuh pơplai rim thun; bruă mă yua ngăn drăp kơnuk kơna amăng tơlơi jao pô rơwang bruă pơđĭ kyar bruă bơwih ƀong huă ngă mă bruă blơi prăp gơnam tam kơ pơđĭ kyar bruă bơwih ƀong huă; bruă pơkă hơdră pơpha gưl kơ gưl tơring glông pơsit anăn păn, hơdră pơkă, pơpha mă yua ngăn drăp kơnuk kơna amăng pok pơhai ngă tui hơdôm jơlan hơdră...