Kiăng gơgrong bong glăi nua prăk trun nua, Kơnuk kơna, Khua dêh čar, Kơ-iăng khua dêh čar-Khua khul git gai wai lăng nua gơnam hơmâo git gai djop ding jum, gơnong bruă, gong gai ƀon lan pơphun pok pơhai khut khăt lu hơdră bơwih ƀong pok prong anun lĕ pơhlôm gơnam sĭ mơdrô hăng gơnam pioh yua pơkra gơnam. Kơ-iăng khua dêh čar Lê Minh Khái lăi pơtong: Kiăng ngă tui bruă jao mơng Ƀirô Khua pơ ala mơnuih ƀôn sang dêh čar ba tơbiă, bruă git gai, wai lăng nua gơnam amăng thun 2024 kiăng tŏ tui hơdôm boh than dưi ngă, đăo lăng hlâo tơlơi sit nik, ngă tui pran gơgrong, hơdeč hmar, pơhlôm wai lăng kjăp prăk kak trun nua tui hơnong pơkă mơng Ƀirô Khua pơ ala mơnuih ƀôn sang ba tơbiă.
Kơ-iăng khua dêh čar Lê Minh Khái pơtă dong mơng lơ 1/7/2024 amra đĭ prăk apah, hrŏm hăng anun hơnong pơkă đĭ tui prăk čan, lu tơlơi lông anun lĕ nua gơnam đĭ trun, yua anun kiăng đăo lăng hlâo tơlơi sit nik, kiăng răng kơđiăng, anăm ngă amưng, prap lui hơdră git gai, wai lăng lăp djơ̆, hmao tlôn, klă hloh.
Viết bình luận