Pơhiăp amăng Jơlan hơdră “Tết tum jơngum – Bơyan bơnga gum djru” pioh kơ mơnuih mă bruă hăng sang anô̆ mơnuih ƀôn sang hmâo tơlơi hơdip tơnap mơ̆ng tơring čar Kon Tum, Kơ-iăng Khua dêh čar ta Trần Hồng Hà mơ-ĭt tơlơi tơña bla mơ̆ng Khua git gai Ping gah dêh čar ta Nguyễn Phú Trọng; ƀing khua git gai Ping gah, Kơnuk kơna hăng pran jua jê̆ giăm mơ̆ng rim mơnuih truh hăng ƀing apăn bruă git gai, neh wa hăng tơlơi hơ-ưč hmưi thun phrâo klă hiam hloh.

Hơ-ưč hmưi djop mơnuih, djop sang hmâo sa Tết pơđao pran jua, jơnap, sa thun phrâo rơnuk rơnua hăng pơđĭ kyar. Kơ-iăng Khua dêh čar ta bơni tơring čar Kon Tum hmâo bơwih brơi kơ ƀing mă bruă hăng sang anô̆ mơnuih ƀôn sang hmâo tơlơi hơdip tơnap tal Bơyan bơnga truh. Tal anai  Kơ-iăng Khua dêh čar ta Trần Hồng Hà hrŏm hăng Khua mua tơring čar Kon Tum ƀơk gơnam Tết brơi 200 čô mơnuih mă bruă hăng 50 bôh sang anô̆ mơnuih ƀôn sang hmâo tơlơi tơnap tap hăng rim anung gơnam hmâo nua 1 klăk 300 rơbâo prăk./.