Jao 500 anung gơnam kơ hơdôm sang anŏ hơmâo djru kơnuk kơna, sang anŏ ƀun rin, mơnuih tơpuôl amăng ƀôn prong Hải Phòng, Kơ-iăng Khua dêh čar Trần Lưu Quang lăng yôm boh tơhnal pơđĭ kyar mơnuih mơnam ƀôn prong Hải Phòng dưi ngă laih thun blan rơgao. Biă mă ñu, Hải Phòng jing ƀôn prong hơmâo lu boh tơhnal bruă mă wai lăng sang anŏ ngă hơkrŭ kơ lŏn ia, sang anŏ ƀun rin laih anun mơnuih tơpuôl tơnap tap klă biă mă.

Ƀrô djơ̆ tal anai, Anom bruă mơnuih tơpuôl ƀôn prong Hải Phòng pơphun hơdră anăn “Têt jơngum-Bơyan bơnga kah pơpha” ƀơk gơnam kơ ƀing kông ñơn ƀôn prong ƀrô čơkă thun phrâo Giáp Thìn. Rơbêh 350 rơbâo čô mơnuih mut phung, mă bruă apah ƀong prăk blan ƀơi Hải Phòng amra dưi tŭ mă gơnam djru mơ̆ng djop anom bruă mơnuih tơpuôl amăng ƀôn prong tal anai.