Kơ-iăng Khua git gai wai lăng pơ ala mơnuih ƀôn sang dêh čar ta Nguyễn  Đức Hải ƀơk 12 anung gơnam kơ hơdôm bôh sang anô̆ ƀun rin, sang anô̆ gah hơdră bruă gum hrŏm jơlan hơdră “Tết khăp păp”. Kơ-iăng Khua git gai wai lăng pơ ala mơnuih ƀôn sang dêh čar ta Nguyễn  Đức Hải pơtŏng sit, anai lĕ Jơlan hơdră hmâo bôh tŭ yua yôm sit nik hăng hmâo pran dơlăm, sit nik pơjing pran pơkĕ hrŏm djop mơnuih, gum hrŏm lar hyu pran khăp kiăng hăng pran jua khăp păp, ba truh mơnuih ƀôn sang Tết pơđao, mơ-ak, djă jă phiăn juăt mơ̆ng djuai ania. Kơ-iăng Khua git gai wai lăng pơ ala mơnuih ƀôn sang dêh čar ta rơkâo gưl Ping gah, Gong gai tơring čar Lạng Sơn hrŏm hăng bruă đing nao git gai, črâo ba pơđĭ kyar bơwih ƀong – mơnuih mơnam khom lăng ba bơwih brơi hơđong tơlơi hơdip mơda mơnuih mơnam; lăng ba črâo ba, gum hrŏm pioh Jơlan hơdră “Tết khăp păp” dưi djă pioh dong, pok pơhai ba glăi bôh tơhnal hăng jai hrơi jai ba glăi lu mơnuih dưi čơkă Tết mơ-ak klă, pơđao pran jua hloh.

            Ăt amăng lơ 26/1 mơn, Kơ-iăng Khua git gai wai lăng pơ ala mơnuih ƀôn sang dêh čar ta Nguyễn  Đức Hải hmâo nao čuă, ƀơk 200 anung gơnam truh mơnuih mă bruă kơ sang măi, mơnuih mă bruă hmâo tơlơi hơdip mơda tơnap tap ƀơi Jơlan hơdră “Tết tum jơngum – bơyan bơnga gum djru” thun 2024 mơ̆ng tơring čar Lạng Sơn./.